صعلوك مدينة الملح

الاسم:
الموقع: اسكندريه, Egypt

10.22.2006

احداث 280 يوم وليله داخل مسرح الليسيه

عزيزتي القارئة .. عزيزي القاريء هذه اوراق 280 يوم وليله من ايام وليالي مسرح الليسيه اتحدث فيها بصراحة متناهيه عن كل ما حدث في مسرح الليسيه واكشف حقائق قد تكون غير معروفة ومخفية عن اذهان البعض منكم

ارجو ان تقرأوها جيدا ً لاني انتظر ردودكم على هذه الاوراق

--------------------------------

مع تحيات

صعلوك مدينة الملح

الورقة الأولى برنس البيت الفني للمسرح

صعلوك مدينة الملح ... تلقاه دايما ً ماشي على رصيف البحر شايل على كتفه بيته في شنطه قماش فيها كل ما يحتاجه الانسان . يوم تلقاه شيك نظيف ظريف ويوم تاني سكران ومدهول .. ويوم تلقاه مخرج ويوم ممثل .. وايام مناضل وايام حكاء .. بيحكي على القهوه للولاد الصغيرين عن مغامراته وصولاته وجولاته .. مع مُنَظِّرين المسرح القدام ومُنَظِّرين الفكر الاشتراكي وازاي اضحك عليه وهو صغير . وايام كتير ياخد اكل العيش فتلقاه شايل علبة ولاعات من ام نص جنيه والولاعه وبيلف يبيعها أو شربات أو قمصان أو فلايات اي حاجه تتباع وبعد نجاته من حريق بني سويف زاد الهيجان معاه فتلقاه دايما سكران وماشي على البحر ومعاه في شنطته صور وهو في السويد أو خبرين تلاته من جرايد بخصوص الفيلم اللي مثله مع اسماء البكري واحيانا بعض الناس تفتكر له الحلقات التلفزيونيه الكوميديه في رمضان .وفي يوم من ايام الشتا وهو ماشي على البحر سكران كالعاده وبالظبط قدام مسرح كوته قابله صاحبه القديم اللي كان مسافر السعوديه . وكان كل ما ينزل اجازه ياخده عند محمد أحمد بتاع الفول يعشيه ويديله فلوس . ويقعدوا يفكروا بعض بالذي مضى أصل صعلوك مدينة الملح .. مخه دفتر فاكر كل حاجه وعنده تاريخ كل المسرحجيه بتوع زمان .. اللي سافروا عند بتوع الجاز لجل القوت والمم واللي ربنا كرمهم وبقوا نجوم . واللي ريحوا دماغهم خالص وبعدوا عن اللعبه واللي لسه عايشين الوهم اول ما صاحبه شافه خده بالحضن وقال له :- مين فيروز انت فين يا ابني بقالي سنه هنا في اسكندريه ما بشوفكش X أنور وجدي { ده كان الاسم اللي بيطلقوا عليه صعلوك مدينة الملح كان يقول له انور وجدي وصاحبه يقول فيروز لأن صاحبه كان دايما يعمل معاه الواجب لما ينزل اجازه من السعوديه }- ايه يا ابني انت لسه زي ما انت مش ناوي تتطور .. وتبص لنفسك زي كل صحابك X ماهو انا عملت حاجات كتير في غيابك . سافرت السويد و عملت فيلم . وكام حلقه في التلفزيون و ....- سيبك من ده كله .. انا شايفك زي ما انت .. بلا سويد بلا سينما .. انا عايزك في شغل X شغل مسرح ؟- مسرح واكل عيش واهو تلاقي مرتب اخر كل شهر تصرف بيه على عيالك X ايه الموضوع يا انور - لا انور ايه دلوقتي ؟ انا دلوقتي مدير دور العرض التابعه للبيت الفني في اسكندريه كوته , السلام الكبير والصغير ولسه من شهر اخد مسرح ليسيه الحريه ايجار لمدة عشر سنين اخدته بخمسين الف جنيه في السنه سعر محدش كان يحلم بيه في البيت الفني ده بعلاقات مع ادارة مدرسة الليسيه . وانت عارف انا راجع وكل همي اعمل حاجه للبلد دي اللي محدش فكر يعمل لها حاجه . وانت عارف انا بحب اسكندريه قد ايه ؟ والشباب الجداد دول كلهم زي ولادي اي نعم هم ما يعرفونيش لكن قريب قوي حيعرفوني انت عارفهم كلهم بحكم انك وستمر وسطهم وتعتبر من الجيل القديمX ايه المطلوب من يا انور ؟- شوف انا عايزك تلم كل الولاد اللي بيحبوا المسرح .. الشباب اللي مش لاقيين مكان يشتغلوا فيه . وانا عارف انهم بعد حادثة بني سويف واخدين موقف من الثقافه الجماهيريه انا عاملهم برنامج عروض تابع للبيت الفني على مسرح سيد درويش و على مركز الابداع كل اسبوع حجيب لهم عرض .. انا عايزك تجمعهم تلمهم انا كل اللي يهمنى في الموضوع ده بلدي حبيبتي اسكندريه عايز ارجع المجد القديم اعمل صحوه مسرحيه ونعيد تكوين فرقه اسكندريه التابعه للبيت الفني واهو بدل الولاد ما يخدوهم المراكز الثقافيه الاجنبيه احنا اولى بيهم . وما تخفش انا حعينك في البيت الفني موظف تلاقي مرتب اخر كل شهر بدل اللف على البحر اعزم كل الولاد هنا على مسرح كوته فهمهم انا حعمل لهم مهرجان للفرق الحره وحدعمهم , اي عدد فرق ما يهمكش وحيكون افتتاح مسرح ليسيه الحريه برفق اسكندريه الحره لانهم اولى بيه من اي حد ده حقهم . المطلوب منك دلوقتي تقعد في مسرح الليسيه الاربعه والعشرين ساعه X بس ده مقفول من عشر سنين يا انور ؟- وماله حتروح تقعد فيه بدل ما انت كل يوم نايم في حته . لغاية ما تخلص ورقك .. وانا حراعيك انا يا انور يا فيروز وهو تعمل شاي وقهوه للموظفين وحيبقى المسرح بيتك وانت عارف انا راجع من بره مستور وعارف كنت بشتغل ايه هناك ولغاية دلوقتي معروض عليا وظايف محدش يحلم بيها بس بحب بلدي اسكندريه حبيبتي ونفسي اعمل لها حاجه واعمل حاجه للناس اللي اعرفهم وانت واحد منهم شوف يا فيروز انت تاخد المفتاح ده . ده مفتاح مسرح الليسيه من النهارده حتبقى المسئول عن مسرح الليسيه الحارس المقيم وخد دول خمسين جنيه علشان تجيبلك شوية كوبيات وشاي و سكر وسخان علشان لما تروح هناك تعمل لنا شاي ولغاية ما تتعين انا حديلك مرتبك ومالكش دعوه باي حاجه انا البيت الفني كله بتاعي موظفين البيت الفني في القاهره سميني البرنس , برنس البيت الفني للمسرح .
-------------------------------------------------
الورقة الثانية :النجاح خارج الوطن ... نجاح ؟؟

كثيرين منا حين تضيق بهم ظروف الحياة بعد تخرجهم وتوصد في وجوههم الأبواب .. يحاولون الخروج بعيدا ً عن الوطن .. يحاولون البحث عن لقمة العيش من أجل بناء حياه .. منزل .. أسرة .. أولاد .. وضع جتماعي . ولكن اي الوظائف والمهن التي ينطبق عليها هذا الوضع . المدرسون .. الدكاتره .. المهندسين .. الاعمال الكتابيه .. الدبلومات الفنيه .. الحرفيون .. ولكن حين نأتي للفنان المبدع .. الممثل .. المخرج .. فلنا وقفة .ان نجاح الفنان داخل وطنه يساوي الكثير فدنانير وريالات ودولارات الغربة لا تساوي نجاح الفنان داخل وطنه ووسط اهله واصدقائه فكم من الفنانين لم تتحقق لهم الفرصة داخل وطنهم لتحقيق ذواتهم فتركوا الوطن قاصدين بلاد الجاز فهذا مشرف مسرحي بأحد المدارس الابتدائية وهذا دكتور بجامعة الملك فلان الفلاني وهذا مشرف حفلات بمدرسة الأمير علان العلاني وهذا ينشيء مسرحا ً في بلدٍ بم يعرف حتى الان ما معنى كلمة مسرح وهم جميها يعملون في ظل قوانين مختلفة دكتاتورية مقيده لحرية الابداع الفني ويكفي ان هذا الفنان المبدع ان هناك من يكفله . فتظل ابداعاتهم مكنونه مقهورة بداخلهم يعلمون انهم جاءوا للبحث عن المال وليس الشهره .فرويدا ً رويدا ًتموت بداخلهم ابداعاتهم ليحل محلها نهم شديد في جمع المال يعوضعهم عن احلامهم القديمة بالشهره حتى يأتي عليهم لحظات تصرخ بداخلهم الروح الابداعية مطالبه بالكف عن جمع المال واهدار ملكة الابداع لديهم ولكن بعد فوات الاوان وتمر السنين عليهم في غربتهم الخالية من اي ابداعات حتى يطمئنون على مستقبلهم المادي ليعودوا محملين بثمرة ما جنوه صرر من الدنانير ولديهم كل وسائل الراحه شقه اتنين سيارة أحدث موديل , رصيد في البنك ,تأمين لمستقبل الاولاد ولكن حين يتذكرون مقابل كل هذا يشعرون انهم ينقصهم شيء لا يقدر بمال . فيرون زملاء لهم تركوهم صغارا ً فنيا ً قد كبروا .. اصبحوا نجوما ً أو أنصاف نجوم .. فهم معروفون للناس . يشار إليهم في الشوارع والطرق والصحف من حين لاخر تنشر صورهم والمجلات الفنية تحتفي بهم والقنوات التلفزيونيه من حين لاخر تذيع مقابلات معهم . وهؤلاء العائدين مجهولون . من هذا ؟. من ذاك ؟ . استاذ في جامعة الملك فلان الفلاني !!!!أم مخرج في القناة الفلانية !!! حتى اهل الحي الذي يسكنه لا يعرفونه وربما جيرانه في العماره لا يعرفون مثله .. فماذا يكون منهم ؟يحاولون اللحاق بهؤلاء الذين حققوا بعض النجاح داخل الوطن وبأي الطرق ؟ انها الدنانير والريالات ليذهب بعضها ويأتي ببعض الشهرة المفقوده . فسنين الغربة علمتهم بالاضافة الى حب المال علمتهم الميكافيليه يعرفون كيف يجمعونه وأي شيء به يشترونه سيشترون الأضواء .. الشهرة سيدخلون الى مجتمع النجون فالمال أصبح لغة العصر فلقد ماتت تلك الروح الابداعية القديمة ماتت مع الكفيل وابناء الشيوخ حين كانت السبوبه هي الهدف بعد الاستقرار ودخول الابناء المدارس المناسبة والسكن المناسب والمشروع المربح ولكن هناك شيء ينقصهم حين يرون تلاميذهم نجوم ولامعين وفي مناصب رفيعة وهم رغم كل المميزات المادية ينقصهم شيء .. اذن فليشترونه .بعضهم استطاع شراء الشهرة وبعض الاضواء والبعض الاخر لم يستطع فما كان منه إلا ان لملم أشلاءه ونقوده وعاد لسبوبته القديمة .. ايهما العائد اما ان تعود لسبوبتك القديمة او تفتح محلا ً للأسماك قبل ان ينفذ رصيدك فلم يعد بداخلك أي موهبة
-------------------------------------------------------------------------------------

الورقه التالته:من 27/3 إلى 8/4 يا قلبي لا تحزن

لملم صعلوك الولاد صحابه .. الولاد اللي بيحبوا المسرح بعد ما عرفهم إن أنور وجدي ده آخر الرجال المحترمين وبعد ما فهمهم إن مسرح الليسيه حيبقى بتاعهم وإن أنور يهمه جدا قضايا المبدعين من الشباب , ويهمه جدا جدا ...ثلاثه جدا ان يعمل جسر من الحوار مع هؤلاء الشباب يسمع مشاكلهم وأوجاعهم وآلامهم ويسمعوا رأيه وإن أنور ناوي يعمل نهضة مرسحية في مدينة الإسكندرية بعد ما الناس بتوع فرقة إسكندريه التابعه للبيت الفني ضيعوا مليون جنيه مرتبات وأشرف فاروق وبنات بحري وسلملي على المرتبات .ده حيبقى ملتقى ليكم بدل قهوة التجاريه وقهوة البوابين وقهوة الكريستال حتقعدوا هنا وتشربوا شاي أرخص من القهاوي وحيعملهلكوا زميلكوا صعلوك مدينة الملح . وهوبا ليصا كل اللي كان نفسه يقدم مشروع ومش لاقي مكان أو برجيت مش مقبله عليه أو مش داخل مزاج شتيفان جه على مسرح الليسيه وكله أمل انه ينفذ مشروعه . قالوا حيدوا كل عمل 3000 جنيه ميزانية عرض بعدين بقوا 5000 جنيه , حبوا يطمنوا سألوا الصعلوك عن أنور قال اللي يقدر عليه . قال لهم انتوا ما شفتولوش آخر عمل عمله في اسكندريه (حكاية جحا والواد قله ) كان مع أحمد آدم ومصطفى رزق الله يرحمه وفاروق الشرنوبي وعماد حسن ورانيا فتح الله , حتى رضا إدريس كان شغال معاه كومبارس . ده راجل جامد قوي يا جدعان ده زوسر مرزوق كان بيعمل له الديكور وللا أمجاده في مسرح الجامعه ده هو اللي اكتشفه الدكتور عواطف ابراهيم . مخرج السينما علي رجب . ده انتوا بتتعاملوا مع اخطر رجل في العالم . العيال صدقت ماهو الصعلوك أقدم واحد يعرفه ده حتى اشتغل معاه قبل ما يخش المعهد , ده يعرفه من زمان أوي ,صاحبنا الصعلوك ما صدق لقى حته ينام فيها بعد ما كان بينام على رصيف البحر أصبح مسرح الليسيه بيته اللي اتحرم منه من زمان أوي حد يطول ان يكون بيته المسرح .
وإبتدا الشغل في المسرح وجت عمال البيت الفني للمسرح وجت عربيات الخشب والولاد اللي كانوا جايين يعملوا فن اشتغلوا عتالين ونزلوا الخشب من العربيات وشالوا وحطوا ماهو حيبقى مسرحهم , بيتهم زي ما هو بيت الصعلوك بيت الليسيه اللي كان ميت من عشر سنين أصبح خلية نحل ناس رايحه وناس جايه وناس قاعده ترتب للمهرجان , اهداف المهرجان ودعوة للتواصل , لجنة الاستقبال و..و..و.. وياولاد يا ولاد تعالوا تعالوا عشان نسمع أبله فضيله راح تحكي لنا حكايه جميله حكاية المهرجان .
وفي يوم 24/2/2006 صدر الفرمان :-
[url=http://www.m5zn.com][img]http://www.m5zn.com/uploads/97fcbc70df.jpg[/img][/url]
21 عرض واللجنه اللي اختارت كان الاستاذ أنور وفي اثناء الترتيب اتعرف أنور على ناس ملهاش أي دور في الحياه الثقافية في اسكندريه أصبحوا بقدرة قادر مهندسين ومسئولين عن مشروع تطوير مسرح الليسيه والمصيبه انهم صدقوا وبدأوا يحضروا لإدارة مشروع تطوير مسرح الليسيهلغاية ما جه المهندس المسئول مدحت وخيب آمالهم .ويوم .. ورا يوم .. ورا يوم .. ورا يوم .. عدى 27 اليوم العالمي للمسرح حزين .. كئيب .. عارفين ليه ؟؟
---------------------------------------------------------------------------------------------------------

الورقة الرابعة ريالات الوليد بن طلال لها وحشـه

في اثناء الهوجه بتاعت المهرجان ناس كتير صدقت ان التغيير جاي ولها حق ده حتى الصعلوك كان مؤمن جدا ان النهضه جايه جايه وأنور لما يفتح في الكلام الدنيا تبقى ربيع والجو يبقى بديع لكن ماينفعش تقفل على كل المواضيع كان في حد أسمه الحركي (زغلول) كان مدير في وزارة الثقافه وفي وسط الهوجه راح لأنور وطلب منه انه ينتدبه عنده في البيت الفني حيث الحوافز والبدلات واشياء اخرى و زغلول علشان جان ويعرف ناس كويسه وله اسلوبه في الحوار وعلى علاقه كويسه بالبرنس الكبير اللي في القاهره اللي ضحك علينا كلنا أشرف باشا ذكي تم انتدابه للبيت الفني بدرجه مشرف فني على مسرح ليسيه الحريه وكانوا حبايب قوي مايندهش أنور الا ايه يا حبيبي عايز ايه يا حبيبي أأمر ياحبيبي وفي اثناء هوجه التجهيز للمهرجان والبحث عن تمويل للحَجَّه جداريه لفوا لما خلصوا بحوالي 1000 جنيه ورق ومطبوعات للست المحترمه الحاجه جداريه بنت المصمم الكبير الوليد بن جابر وقد الجان بهلول بعلاقاته مع الناس الكويسه أمثال الدكتور حسن عباس صاحب شركه فاركو ورجل الأعمال في مدينه برج العرب انه يجيب شيك بخمسين ألف جنيه خاص بالحاجه المحترمة الست جداريه وابتداء الشغل في تجهيز الست جداريه للفرح ولكن يا خساره الفرح ماتمش والمعازيم روحت ورجع المسرح فاضي زي ماكان في الوقت ده كان فيه مصاريف كتير من فلوس الأستاذ حسن عباس حلمي اللي هوه حيتكتب اسمه على الحاجه جداريه وقعد أنور مع زغلول مع الوليد بن جابر وعملوا ميزانيه تفصيليه للمصروفات بتاعت الحاجه جداريه بيقولوا فيها ان الخمسين الف خلصوا واتصرف فوقيهم حوالي 20000 جنيه من جيب أنور الخاص وطلبوا من زغلول الذهاب للدكتور حسن عباس يطلب منه المدد والعون والغيث . لكن زغلول قال كتير قوي ... أنا الراجل بيثق فيا ... وأنا عارف ايه اللي اتصرف .. ومش ممكن أضحك عليه ... على العموم أنا حاروح واقعد معاه واقوله !! اقوله !! ! اقوله !! ماتصدقش الورق ده وماتدفعش فلوس تاني كده كويس وراح رجع لأنور وقاله الدكتور مش عايز يدفع ... أنور جلس يفكر ثم يفكر ثم يفكر حتى اتاه الحل .. الحفله .. حفله التخرج بتاعت مدرسه ابناء الأمراء اللي في السعوديه اللي بيملكها الوليد بن طلال هما عايزينه وكلموه عبر الهاتف المحمول كي يحضر ويتفق وينفذ فما كان من أنور في ظل عدم اقامه المهرجان وعوده ريما لعادتها القديمه الا انه يوافق ولم اصدقائه القربيين الأستاذ زغلول والوليد بن جابر والطويل بن رضوان وطلعوا جوازات السفر وبالتليفون جاب أنور التأشيرة ويلا بينا يارجاله على الأراضي المقدسة لأنجاز المهمه المقدسه والمسرح مسرح الليسيه الحلم ... المهرجان ... أنور فداه فيروز وقاله شوف يا فيروز أنا مسافر ومش عايز حد يعرف أنا واخد اجازه بدون مرتب لمده شهر حاخلص الشغلانه واجي ومعايا زغلول والوليد بن جابر والطويل بن رضوان اهو اعوضهم عن تعبهم وعايزك تاخد بالك من السرح المخلفات اللي طلعت من المسرح انا حصرف بيها على النظافه ومرتبك ..وأي خرده تطلع من المسرح أوعه تتصرف فيها من غير لما تقولي يا فيروز . أنا عارف أنك شايل المسرح كله على كتفك .. وعايزك تفهم الولاد ان المهرجان حيتعمل حيتعمل ماهما مر الوقت ومهما طال الزمان لازم نعمل مهرجان اسكندراني واحد وانا حتصل بيك من هناك .. تبلغني بكل كبيرة وصغيره وأنا لما اجي حعوضك حاعمل معاك احلى واجب .. شد حيلك يا فيروز خد 100 جنيه أهم تجيب منهم الزير واحنا اتفقنا على مهرجان صغير كده في قصر الأبداع علشان الأولاد مايزعلوش لكن المهرجان الكبير حيتعمل حيتعمل ما تخفش يا فيروز اللي جاي احلى بكرة الحال حيتصلح بس أصبر أصبر يا فيروز ووصلوا الجميه الى الأراضي المقدسه وهم محملين بالآمال زرزارة بلد الريالات والأمراء ولعبت الأحلام في دماغ الثلاثي زغلول والوليد بن جابر والطويل اب رضوان لكن تأتي الرياح بما لا تشتهي السفن

------------------------------------------------------------------------

الورقة الخامسة بالراحه على المعمول يا كفره


[url=http://www.m5zn.com][img]http://www.m5zn.com/uploads/d628e2cd47.jpg[/img][/url]

(أحد ٌ أحد .. لبيك اللهم لبيك )قالوها أول ما وصلوا بالسلامه وكان في استقبالهم الاستاذ احمد شاكر سوري الجنسيه صاحب السبوبه وملحن السبوبه , وكان توزيع السبوبه كالآتي :زغلول مصمم استعراضات السبوبه , الوليد ابن جابر مصمم ديكور السبوبه ,الطويل ابن رضوان كحووول السبوبه , وأنور المشرف العام على كل ما يخص السبوبه , وفيروز قاعد لوحده في خرابة الليسيه في انتظار عودة جوددو من السبوبه في انتظار الصحوة .. الحلم .. اسكندراني واحد في انتظار الافتتاح خلاص حياته بقت مسرح الليسيه والعهده اللي سابها له أنور أوالخرده .
جت اوقات على فيروز ماهوش يفطر فما كان منه الا انه يبقى يلم الخرده من المسرح .. حديد على سلك نحاس على خشب قديم وينادي بتاع الروبابيكيا ويبيعه ويصرف على بطنه و بطون ولاده لغاية ما يجي جودوو وكان بيمضي على كشوف الحضور والانصراف بتاعة الطويل ابن رضوان لحد ما في يوم انكشف من الشيده مديرة الشئون القانونيه وماكنش حد يعرف ان زغلول معاهم هناك لان زغلول ملوش امضاء .. مدير بأه والمديرين في البيت الفني للمسرح ما لهمش امضاء وكان انور كل اسبوع يتصل ويعرف من فيروز ايه الاخبار لحد في يوم فيروز قاعد في المسرح بص لقى زغلول داخل عليه وهو مبتسم فرحان ...
زغلول : ايه ... يا ابو فيروز وحشتني

ف: حمد الله على السلامه ايه وصلت امتى ؟

ز : لسه يا دوبك امبارح .. ايه حد عرف اني كنت هناك ؟

ف : لا يا ريس محدش عرف طبعا .. ايه اخبار الناس ؟

ز : اسكت اللي حصل ما كنش على البال والغربه بتبين كل واحد على حقيقته .. اعملي شاي يا فيروز وتعالى احكيلك..

وقام فيروز يعمل الشاي لزغلول وزغلول بيحكي

ز : انا اولما روحت هناك طلبت سكن ليا لوحدي .. اصل كلهم بيدخنوا وانا مبحبش الجو ده .. وهما التلاته قعدوا في سكن لوحدهم الوليد بن جابر والطويل بن رضوان وانور وجدي ... بس كنا بنفطر ونتغدى مع بعض واللي كان ماسك المصروف انور .. انور كان ماسك كل حاجه .. وكل واحد فيهم انكشف على حقيقته لا الوليد بن جابر طلع بيفهم في الديكور .. ما بيفهمش غير في الخيش وسمناه هناك ملك الخيش ولا الطويل بن رضوان بيفهم في الصوت وسمناه ابو الدهب وانور ما عملش حاجه خالص وحصل بينا خلاف وكنت حسيب الشغل وانزل مصر لكن انور تعب ودخل المستشفى فكان لازم اقف مكانه واكمل الغل كان لازم يعرف ان وراه رجاله .. وبعدين انت عارف تاريخي يا فيروز مش أول مره حعمل شغل ومحبش حد يتدخل في شغلي .. انور بيتدخل في كل كبيره وصغيره خنقني دا احنا يا راجل كنا بنشيل الخشب على كتافنا .. المهم يا فيروز انور بقى له وش تاني خالص هناك ..مبقاش انور اللي تعرفه في مصر اتغير خالص .. انا خلاص خلصت شغلي وقلت انزل لان لازم يكون في حد في المكان هنا وهو إداني جزء من مرتبي وقالي لما ننزل مصر نتحاسب .. اونت عامل ايه لوحدك هنا ؟ والله انت اللي شايل المكان ده كله يا فيروز بس يا رب يقدرك انور ويديلك حقك .. ربنا يستر وبعد يومين وصل الوليد بن جابر بس مجاش المسرح ووراه الطويل بن رضوان بس زعلان قوي .. قوي .. قوي لأن أنور زعله هناك وحاسس انه ما أخدش حقه لا هو ولا الوليد بن جابر انور قال لهم حتقعدوا شهر ترتاحوا وعليه باقي حياتكم .. وهم اتعشموا قوي قوي وحلموا احلام كبيره أوي أوي وزعملوا عمرة على اساس انهم حيرجعوا مصر مجبوري الخاطر لكن انور خيب ظنهم
طب ايه اللي حصل ؟
------------------------------------------------------

ورقة خارج الثلاثون ورقة

سألني أحد اصدقائي المسرحيين وبعض اعضاء فرقة الصهبجية وكثير من اصدقائي المهتمين بقضايا المسرح في الاسكندرية والقاهره .ماذا تريد ان تقول بالأيام التي قضيتها في مسرح ليسيه الحرية وما الذي يهمنا ولماذا الاسماء المستعارة . وهل هناك ما تخشاه ؟وايضا الاخ قاسم مطرود مدير موقع مسرحيون طلب مني ان اكون اكثر صراحة واكشف عن اسمي الحقيقي حتى يرد المعنيين بالامر . وكذلك سألني الاصدقلاء القدامى لماذا لم تكتب في منتدى مسرحنا فالجميع يعرفون اسلوبك وايضا يعرفون ما ذا تقصد .أولا أحب ان أوجه شكري الخاص للأخ قاسم مطرود الذي لا اعرفه إلا من خلال منتدى مسرحيون وأشكر اصدقائي وجميع فرق الهواه وكل من حاول " لم المواضيع" .أما بالنسبة لموقع مسرحنا فلقد حاولت وطرقت الموقع كثيرا ً ولكنهم لم يفتحوا لي . والآن اسمحوا لي أن أقدم نفسي إلى من لا يعرفوني وأيضا لصديقي قاسم مطرودانا يا اصدقائي صلاح محمد السايح مواليد مدينة الاسكندرية .فنان تلقائي .. ابن سنيني وبيئتي وعيلتي ... على قد الحال .. لا معاهد ولا واسطه .. ولا كتله ولا اشكال ... الناس اتلموا عليا قالوا فنان صدقت اللعبه ورحت شغال .. الطفل النايم جوايا قام .. شخبط نعبش عافر في ذاته التايه في وسط الناس .شاركت في العديد من تجارب الفرق المستقلة في الاسكندريه منذ نهاية السبعينات .اسست فرقه الصهبجية المسرحية للعمل على اشكال الفرجة الشعبيه والفن التلقائيشاركت في تجربة نوادي المسرح وعملت مع مسرح التسعينات على جعل المسرح السكندري يحتل مقدمة التجارب المسرحية في مصر شاركت في المشرع المسرحي (حلم ليلة صيف ) مع فريق مكون من 43 فردا ً من العديد من الدول العربيه بإشراف المخرجة السويدية ايفا برجمان وتم عرض المسرحية بالجزويت بالاسكندرية وعلى خشبة المسرح الملكي بالسويد .شاركت في عرض ( الستارة ) للمخرجة السويسرية (تيادوش) في مكتبة الاسكندرية شاركت في فيلم( العنف والسخرية ) اخراج المخرجة ( اسماء البكري ) وشاركت في عدة برامج تلفزيونيه بالتلفزيون المصري وفي ايامي الاخيره .. ومن دافع حبي للمسرح ولمدينتي الاسكندرية ومن اجل ان يكون هناك مسرحا ً مضاءا ً في شتاء الاسكندريه ولأنني كنت اثق في بعض اصدقائي القدامى عملت مؤخرا ً حارس مقيم في مسرح ليسيه الحريه اثناء تجديده واحيانا عامل بوفيه وكنت اقدم المشروبات لاصدقائي واعضاء فرقتي وادير بروفات فرقتي وانا اعمل في ذلك البوفيه وكان اعضاء الفريق واصدقائي يرمقونني بنظرات اعرفها جيدا ولكنهم ايضا كانوا يعلمون مدى حبي لهذا المسرح ومدى عشقي لمدينتي ومدى ثقتي في بعض اصدقائي القدامى ! وايضا مدى عشقي لهم . اما عن سبب سردي لاحداث الليالي التي قضيتها وحيدا ً في مسرح الليسيه فهو شهادة .. شهادة للجيل الجديد الذي يحب مسرحه ومدينته مثلي كي يدركون ان هناك من سيتخدمهم لاغراضه الشخصية . هناك من يستخف بعقولهم . هناك من يريد الصعود على مجهوداتهم . وايضا ً هناك من يريد ان تكون هناك ثقافة واحدة محدده أو بمعنى اخر ثقافة سلطوية فالمستولين على الثقافة في بلدنا يعلمون اهمية المسرح جيدا ً ويعلمون انه اذا كان هناك مسرحا ً جيدا ً سيكون أيضا هناك شعبا ً واعيا ً وان هذا الشباب الواعي بقضاياه المؤمن والمدرك بقضيته وأدواته الفنية يجب ان يحجم ويكون دائما تحت السيطرة وذلك من خلال وعود .. وعود كثيره وقد زادت هذه الوعود بعد محرقة بني سويف , انهالت الوعود على الشباب وعلى اهالي الضحايا وصدرت القرارات من المسئولين ولكن دائما يزول التأثير بزوال المؤثر وهذا الموضوع لنا فيه حديثا ً آخر . ولكن ارجو ان تتابعو باقي الاوراق حتى تعرفون ابعاد المؤامرة التي وقع فيها شباب المسرحيون في مسرح الليسيه الذي اصبح جزء من مسارح الدوله لأن ذلك سيتكرر كثيرا ً في اماكن اخرى . رجاء تابعوني
لن أقول صعلوك مدينة الملح .. سأقول صلاح السايح
--------------------------------------------------------------------------------------------

الورقة السادسة العوده لاسكندرية كمان وكمان وكمان وللصبح

الطويل ابن رضوان جالي حزين قوي .- شفت يا عم اللي كان بيقولك حتروحوا شهر ترتاحوا عليه سنتين تلاته . حتشتغلوا شهر واحد وترجعوا مبسوطين . انا قلت حتجوز وحالي حيرتاح ده احنا كنا بنشتغل في مدارس الوليد ابن طلال يعني مدارس الامراء . تخيل يا ابو صلاح كان بيحاسبنا على علبة المعمول .. لالا اغتير هناك خالص مبقاش انور اللي احنا نعرفه . 7000 جنيه ضيعنا نصهم في العمره انا مجبتش لنفسي بنطلون ده غير الاكل والشرب . بس انا عملت علاقات مع الناس اللي هناك وحصل زعله كبيره قوي بين أنور والوليد ابن جابر دول نزلين من هناك زعلانين مع بعض ما بيكلموش بعض .انور بيقول : ده خسرني كتير .. خشب بالهبل بيقول انه اتخم في قرارات الوليد ابن جابر : ده مينفعش غير في الخيش . والوليد تعب هناك وبدل ما يودوه المستشفى اللي راحها انور لما تعب ودوه العياده بتاعة المدارس .. عارف السبوبه دي بكام ؟؟ كلام في سرك دي تعدي المليون ريال واحنا اخدنا الفتافيت .. على العموم مش اشكال المهم يصلح موضوع كشوف الحضور والانصراف هو قاللي حيتصرف مع الحاجه سلوى اما اشوف انا لسه لغاية دلوقتي اجر مقابل عمل يا ريتني يا اخي ما سافرت .. زي ما رحنا زي ما جينا ولسه دور زغلول .. زغلول عشمان ياخد باقي حقه في مصر والوليد ابن جابر زعلان ومش عايز ييجي المسرح .. انا يا عم ماليش دعوه انا حامشي جنب الحيط ولو اطول امشي جوه الحيطه حمشي انا داخل على جواز ماليش دعوه بحد . وحضر الجميع الاسكندريه . الكل وشه متغير ولغاية دلوقتي الوليد ابن جابر لسه ما جاش المسرح وشغل الجداريه واقف ومتعطل وده عايز فلوس ,, وده عايز وده عايز فلوس والكل نسي اسكندراني واحد .. نسي الحلم ...انور اصدر قرارات : خلاص الوليد مش حيكمل الجداريه شوفو حد تاني زغلول قابله بالاحضان اول يوم تاني يوم عايزين نتحاسب ثالت يوم انور قاله : انا حلف بالطلاق محدش حياخد فلوس تاني .. (( آه من الفلوس العبيطه آه)) زغلول زعل جدا ً وقال له : انا حعرف ازاي اخد حقي . وبدأت معركه خفيه بين انور وزغلول (( مستمرة حتى هذه اللحظه)) انور ذكي اتعلم من الغربه انه لازم ما يقطعش كل الخيوط .وفي يوم على باب مسرح الليسيه والجميع موجودين , عمال البيت الفني , موظفين البيت الفني في اسكندريه , عمال الجداريه , الكل موجود وعلى رأسهم انور . جه الوليد ابن جابر حضر حاطط على كتفه كوفيه ياسر عرفات ودخل ..

الوليد ابن جابر : السلام عليكم .. ايه بأه يا استاذ انور انا سمعت انك بتقول انا مش حكمل الجداريه ايه اللي حصل انا عايز افهم .!!

انور : ايوه مش حتكمل الجداريه خلاص استغنينا عن خدماتك خلي قعدتك في البيت مع زغلول انت والطويل ابن رضوان تنفعكوا .. اتفقتوا عليا مش كده ؟؟ بعد اللي عملته علشانكم اتفقتوا عليّ قدام الناس دي كلها .. انا عايزكم تردوا بصراحه .. زغلول عمل حاجه في الشغل ؟؟

صمت .. صمت .. صمت .. ما ترد يا طويل ؟

الطويل ابن رضوان : لا ما عملش يا ريس ما عملش مش انا اللي عملت الشغل بتاعه ..

أنور : مش لما كان عايز يمشي قلت ادفعله حق التذكره ويمشي ؟؟ ما تردوا !!

الوليد : حصل يا ريس أنور : انتوا عارفين هو قال عليكوا ايه هناك ؟ عارفين وللا مش عارفين ؟

ورد الاثنين : قال ايه يا ريس

رد أنو بعصبيه : قال انكوا عيال وان انت ما تعرفش تنفذ ديكور كبيرك تقعد على الكمبيوتر وانا عملت لك قيمه وشأن لما كبرتك وخليتك تبقى مسئول عن حاجه كبيره زي كده انا كنت حرمكم من حاجه هناك ؟؟ ما تردوا

ورد الاتنين : لا يا ريس ..

انور : تفتشوا في اوراقي وانا في المستشفى ليه .. عايزين تعرفوا اسراري ليه ؟ انتوا مالكوا حد فيكوا كان يحلم بالمبلغ اللي اخده ؟ ما تردوا ؟؟

ورد الاتنين : لا يا ريس

انور : ودلوقتي يا اخ وليد انت ما لكش اي حق في الجداريه دي وانا حكملها بمعرفتي . وهنا اغرورقت عين الوليد ابن جابر بالدموع

وقال : ازاي يا ستاذ انور؟؟ الجداريه دي زي ابني ... انا المصمم . ازاي تقولي ما لكش حاجه فيها ؟؟

ورد انور : خلاص شيلها خدها معاك وانت ماشي ... وتطور الحوار الى ان تدخل الاخ فاروق الموظف في البيت الفني بالاسكندريه

-------------------------------

الورقة السابعة من دقنه وافتله .. بوري .. كابوريا .. جمبري

وهدأ فاروق الموقف .. ما هو اتعود يتدخل في الوقت المناسب , ودخلوا جوه المكتب.. وخرجوا صافي يا لبن ووليد ابن جابر حيكمل شغل الجداريه .. لأن ربنا بعت لنا واحنا قاعدين على باب المسرح ومع صوت الكروان بعت ملاك مع الانسه سماء حل كل المشاكل رجل اعمال سكندري غاوي اوبرا وجمال ارسلته العنايه الالهيه لإنقاذ الجدارية وما حول الجداريه وايضا فرش لمكتب المدير ومكتب مديرة الشئون القانونية والهول ولسه في حاجات تانيه مش وقته الكلام فيها دلوقتي .ننتقل الان الى اذاعة خارجية من مسرح ليسيه الحريه فهناك حدث جلال سننقله لكم على الهواء فإلى هناك .سيداتي انساتي سادتي نحييكم من مسرح الليسيه بالاسكندريه وننقل لكم على الهواء مباشرة حضور اللجنه الخاصة بمتابعة الاعمال , اعمال شركة الفؤاد واعمال تتولها ادارة المشروعات بالهيئة وهم المهندسون المشرفون على اعمال التجديد التي تمت بالمسرح من غرف ممثلين , تجديدات لدورات المياه وتجديد لخشبة المسرح .. وقد علمنا ان اعمال الهيئه في انتظار قرار لجنة المشتروات بخصوص كام متر قطيفه و كام زجاجة سبرتو و 1/2 ك جملاكه وكام علبة ورنيش وقد صرح مصدر مسئول في ادارة المشتروات ان تلك الاحتياجات سيتم شراؤها بعد تقديم عروض الاسعار وفي خلال 22 يوم ستكون بين ايدي العمال وارى امامي الان اعضاء اللجنة بعد مرورهم على ما تم من اعمال يجلسون في هول المسرح وتدور بينهم المناقشات وقد علمنا انهم موضوع الكافيتيريا واعمال الرخام بأرضية الهول وقد حضر مدير شركة الفؤاد ومعاونيه .. وقد أشادت اللجنة بكل ما تم من اعمال وقد صرح مصدر مسئول انه كانت للجنة بعض الملاحظات على ما تم من اعمال وكانت كالاتي :

1) الاعمال المستجده التي لم يتفق عليها ومنها موضوع الرخام المحيط بدورات المياه . وتم حل هذا الموضوع

2) الخطأ في توريد ادوات كهربائية دون المواصفات وتم حل هذا الموضوع

3) سد شبابيك واجهة المسرح وتم حل هذا الموضوع

4) خطأ في توصيلات الكهرباء وتم حل هذا الموضوع

5) بعض الاسئلة عن مخلفات دورات المياه وتم حل هذا الموضوع

6) مدة عمل حدادين الهيئة في الجداريه وتم حل هذا الموضوع )

توريد بعض لوازم الجداريه من ادوات كهربائية وتم حل هذا الموضوع7)

8 الاعمال المستجده ومن المسئول عنها وتم حل هذا الموضوع

9 ) الاستعداد لزيارة الدكتور اشرف زكي للموقع وتم حل هذا الموضوعوبعد الانتهاء من مناقشة هذه المواضيع ارى ميعاد الغداء قد حان . ارى امامي الان طابور من اسماك البوري وطابور من الكابوريا .. وطابور اخر من الجمبري يدخل مسرح الليسيه ووراهم اطباق السلطات والارز الاحمر ولكني لا ارى خبزا يتقدم الى السفره وامامي الان سفرة تقام على خشبة المسرح للعمال وسفرة اخرى في حجرة المدير .. سيداتي انساتي سادتي اترككم لنعود لاستديوهاتنا ...عدنا بعد الغداء .. ارى امامي اعضاء اللجنة يذهبون لاداء الصلاة في مسجد المدرسة .انهم يذهبون جماعة جماعة لقد كان الحضور كبيرا ً حيث تواجد في هذا اللحظات واللحظات الماضيه موظفي البيت الفني بالاسكندرية واشادوا بالجمبري . اشاد الجميع بتلك الاكلة الفسفورية كما اشادوا باداء السيد المدير الذي لم يتوانا عن اشباعهم من خيرات البحر المالح كما حاول صعلوك مدينة الملح جعل جو المسرح سكندريا بحتا ً فأدار الكاسيت على اغنيات لبدرية السيد والشيخ امين وعزت عوض الله والله عمار يا اسكندريه
------------------------------------------------------------------------------------------------

الورقة الثامنه اهلا بيك يا دكتور في مسرح الليسيه

زيارة الدكتور اثناء تجهيز المسرح كانت لها العجب .. كل الناس " اللي مع واللي ضد " موظفين البيت الفني في اسكندرية الـ 14 من أصغرهم لأكبرهم ... مدير أمن البيت الفني وهندسيين البيت الفني ادارة المشروعات في البيت الفني ,صاحب شركة الفؤاد للمقاولات برجالته ,مدير دور العرض التابعه للبيت الفني ,كل عمال الورش اللي في البيت الفني الجميع في انتظار ه.[ اذا اردت ان تعرف مدى حب الناس لشخص ما اجعله يمسك منصبا فسترى كميه النفاق ومن خلال هذا النفاق ستعرف مدى حبهم او كرههم لهذا الشخص ] .كان من المفترض وصول الدكتور في حوالي السابعه ولكن زحمه المواصلات الظاهر هيه اللي عطلته فجاء الساعه الحاديه عشر مساء وكان جميع من في المسرح هنجوا .. تعبوا ... وهما في انتظار الدكتور وعم الصمت المكان حتى صرخ صعلوك مدينه الملح من على باب المسرح وقال وصااااال حتى دبت الحياه مره اخرى واشتغلت المناشير الكهربائيه والدق بالمطارق .. والمسامير واشتغلت الدهانات والتركيبات , ودخل الدكتور والكل وراه الكل . الكل بيقول اهلا يا دكتوور وكأنه في ورشه لصناعه الطائرات وكان هناك شخص محترم . لم يأبه لما يحدث فهو يعرف شغله جيدا ولا يحتاج لمنافقه احد انه الحج مصطفى .. وتذكرت أول يوم قابلت الدكتور كان يوم من اسوء الأيام كان في حوش مستشفى بني سويق كان يوم المحرقه وتذكرت حفله المليون التي وعد بها لصالح أهالي الضحايا وتذكرت ايضا جماعه 5 سبتمبر وتذكرت كل من قدم شيء لأهالي الضحايا وايضا الوعود.تجول الدكتور داخل المسرح لمدة خمس دقائق فقط .. وقال ان هذا الذي حدث معجزة . واعود بكم لموضوع رجل الاعمال الذي هبط علينا من السماء مع الاخت سماء ليحل لنا بعض المشاكل بعد ان بدأ زغلول الحرب مع رجل الاعمال الأولاني ... لو هناك رجال اعمال يهتمون بالمسرح فعلا ً وبالمسرح فقط لتغير حال المسرح تماما ً في مصر . جاء الرجل وسأل ماذا ينقصكم فرد الوليد ابن جابر ينقصنا باقي السور . فسأله الرجل كم يتكلف ؟ فرد حوالي 28000 جنيه فرد الرجل : إبدأ اشتغل فتنفس الجميع الصعداء فأتى من سيكمل باقي الأعمال لقد قدمت سماء إبراهيم للجميع خدمة جليلة بإحضارها هذا الرجل للمسرح فلقد كانت حدثته عن قاعه لمسرح الغرفة كي يجهزها ولكن تأتي الرياح بما لا تشتهي السفن . وألغى أنور موضوع مسرح الغرفه لتتحول الغرفة الى مخزن وغرفة للموظفين وعرف الرجل موضوع الجدارية الاولى وقرر تكملة السور وجاءني اليوم التالي ودفع مبلغ للبدء في العمل وباقي المبلغ على شيكين , شيك يوم 15/8 وآخر يوم 15/9 كل واحد فيهم بـِ 15000 جنيه . ربنا يخليه يارب راجل طيب أوي .وبدأ الرجل في فرش هول المسرح ولكن قبل ذلك ماذا تم في الجدارية ؟؟؟
------------------------------------------------------------------------------------------------

الورقة التاسعه كله على المصاريف قيد .... قيد كل حاجه" عفوا لقد

نفذ رصيدكم"ايها المدعوين .. يامن تتوهمون انكم حماة المسرح في الاسكندرية ان هذا الجيل والجيل السابق , أجيال بلا اساتذة .. وعوا على مسرح سكندري يتيم ليس له أبا ً أو أم .. تلومون الشباب لنهم يتوجهون للمراكز الثقافية الاجنبية وانتم ترتمون في احضان تلك المراكز من ابوابها الخلفية . اه لو تعلمون ان الثورة الثقافية المسرحية أقوى من اي تيار على الساحة أحمر كان او اخضر او حتى بخطين زرق . اذا كنتم تريدون خصخصة الثقافة أو إلغاءها فيا هلا ليعود مال الدولة المنهوب للدولة او لغير الدولة وعلى رأي عم نجيب (فرسان هذا العصر هم بعض اللصوص .. او كل اللصوص) ويا اهلا وسهلا بالمراكز الثقافية الاجنبية ويا 1000 اهلا بالتمويلات الاجنبية ويا اهلا بأي مجهود خارجي او داخلي يساعد على الثورة الثقافية المسرحية . قد علمتونا ألا نصدق وعود ولا عهود .. ايها الشباب شباب المسرحيين كي لا تجدوا انفسكم يوما راقصين على السلم . وكي لا يزيد وخز الأماني .. كي لا تصبحوا صعاليك . وقبل ان تركبوا سفينة الوعود يجب ان تعرفوا اين يكون الرسو . انهم يصفون حساباتهم القديمة بكم .. يوقعون على اقالة الوزير وينكرون فيصيبهم الزهايمر في ايام كثيرة فهم يعلمون جيدا ً ان رخاء الوزير من رضا الرب فليكن مسرحكم لكم . ولنرى معا ً تلك الفاتورة:
صنف عدد سعرطن اسمنت 20 شيكاره 400 جـ9 متر رمل 9 متر رمل 210 جـ10000 طوبه 10000 طوبه 750 جـزلط "" ""حصوه "" ""جبس "" ""مشال "" ""حديد "" ""سمك بوري , كابوريا , جمبري "" ""لبن "" ""تمر هندي "" "" الاجمالي : ؟؟!!!
فاتورة أخرى أسمنت "" ""رمل "" ""طباعة بوستر "" ""تصوير ورق "" ""تصوير وطبع بنر "" ""موصلات "" ""وجدي "" ""أنور "" ""صلاح "" ""سمك بلطي وجمبري وكابوريا "" ""لبن .. تمر هندي "" "" الاجمالي ؟؟!!!كله متقيد عند الوليد ابن جابر واللي قبل كده كان عند الطويل ابن رضوان كل شيء متقيد واللي عايز يحاسبنا واللي بيحبنا ما يضربش نار الفرح فرحنا ..واللي عايز ينقطنا عارف مطرحنا وصلي ي ي ي ي ...عم محمد طايع بيقولي كان فين الكلام ده وانت هناك في مسرح الليسيه ؟ ياعم طايع حد يطول يقضي اغلب يومه جوه مسرح ؟؟ وهو اصلا محروم من بروفه على مسرح ؟؟ حد يطول يتوظف بمرتب ثابت بعد ما كان مش لاقي اللضى ؟ طب حد يطول مهرجان سكندري بفرق سكندرية وافتتاح سكندري 21 فرقه ؟ حد يطول اسكندراني 1 ؟؟ يا طايع انا انضحك عليّ زي ما اضحك على 21 فرقه وبالنسبه للناس اللي افنت كتيرررررر من عمرها علشان المسرح اتنور لهم شمعه واحده بس في مسرح الليسيه جروا عليها زيك زيي زي كل الل بيحبوا النور . وفجأه بقت الشمعه تولع وتطفي لحد ما اطفت خالص . يعني برضه ضحكوا علينا اما اللي اختار يبقى باشا واللي اختار يبقى صعلوك ده خسر وده كسب .. كسب احترامه لنفسه .. اما الغسي الوسخ لازم ينضف وكل حته فيها غسيل وسخ لازم تنضف .. ياللا بأه شدوا حيلكم علشان الغسيل كتير
وإلى لقاء في الورقة العاشره بعنوان : زووم الحمام حكايات وكلام معبي سكاتتيجي نزووم .. زووم الحمام . حين تدرك انك تعرف الكثير من الحقائق عن بعض الشخصيات التي تعرفها جيدا ً . فأي تصرف يصدر من هؤلاء يصبح بالنسبة لك حدث قديم مر بك قبل الان وهم يتخيلون انهم يتحدثون بصدق لا يدركون انك قد عرفتهم جيدا ً لأن لغتهم انت الوحيد الذي عرفتها وعرفت انهم ممثلون جيدون على خشبة الحياه واللمثل الجيد على خشبة الحياه فاشل على خشبة المسرح . بعد الالغاء الثاني لمهرجان اسكندراني 1 كثر الحديث عن الاسباب .. بعضهم قال ان بعض العواجيز حذروا من ان الاولاد بتوع بني سويف يحرجون الوزير وقيل ان المسرح يحدث به لقاءات مريبة للشباب وقيل ان انور حول المسرح الى قصر ثقافة وقيل ان اشرف ذكي يحاول الا يظهر انور على على الساحه بعد ان كان المرشح رقم 3 لرئاسة البيت الفني .. وقيل انه لايمكن افتتاح المسرح بالهواة .. لازم عرض كبير وقيل ان الفلوس المخصصه لهذا المهرجان من صندوق التنمية الثقافية قد تخصيصها للمهرجان القومي .. وقيل انهم في طريقهم لأخذ المسرح حتى يكون مدرسة لأطفال الاوبرا . يعني حيبقى تبع الاوبرا . وقيل ان الامن معارض فكرة تجمع الشباب داخل مسرح كوته ومسرح الليسيه . وقيل يجب ان يكون الافتتاح حدث كبير يتم التجهيز له .. وقيل ... وقيل ...الكثير , لكن ما الحقيقة في تأجيل هذا المهرجان ؟؟ وإليكم ما اعرفه ..حين تم الشروع في المهرجان القومي للمسرح كان انور قد ارسل فكرة مهرجان اسكندراني 1 وحين ظهرت شروط المهرجان القومي في الجرايد وعلى يدي اتضح لنا ان هذا المهرجان صورة طبق الاصل من اسكندراني 1 بس الفلوس زياده , تكريم .. جوايز .. حفل افتتاح .. حفل ختام .. كله كله نفس اسكندراني 1 ... يعني لازم يبقى مفيش اسكندراني 1 علشان المهرجان القومي طب علشان نراضي الاسكندرانيه حناخد كام عرض من العروض المشاركه في مهرجان اسكندراني 1 افخدوا بيت الدميه عرض افتتاح وكان برضه في اسكندراني 1 عرض افتتاح .. واخدوا عرض يمامه بيضا وعرض بَكرَه . أهو اخدوا 3 عروض من العروض المشاركه في مهرجان اسكندراني 1 وكله يتراضى كله ياخد نصيبه يا خساره يا اسكندريه .. مش قلنا مسرحك يتيم ملهوش اب ولا ام . واهو عروض اسكندريه خدت جوايز علشان محدش يزعل . هي بأت كده ؟؟ ماشي

-------------------------------الورقة الحادية عشر ربنا يكفيك شر معلم جديد-----------------

اي انسان بعيد عن الاداريات واسرارهاوالعالم المحيط بيه وقوانين العمل الحكومي التي يجهلها ومؤامرات الموظفين اللي حواليه والموظفين الذين يروا في انفسهم انهم الاحق بهذه الدرجة او تلك ونصب الفخاخ لبعضهم البعض . انه عالم اخر من يجهله يغرق في بحر من المشاكل التي لا حصر لها . اي مدير جديد في موقع من مواقع البيت الفني اول شيء يفعله حين يتولى منصبه هو البحث عن اهل النميمه واصحاب الالسنة التي لا تصمت كي يعرف ما يجهله عن باقي الموظفين الذين يعملون معه وهناك اناس هذه هي مهنتهم . التقارير السرية عن زملائهم او حتى عن اهل بيتهم مش البيت الفني بس . هؤلاء يصبحون لدى المدير الجديد أهل ثقة يرشدونه عن الصالح والطالح حتى ولو بالكذب حتى لو كان هنك خلافات قديمة وهذا ما فعله الأخ أنور حين تسلم عمله الجديد , جند بعض الموظفين التابعين للبيت الفني في القاهرة و الاسكندرية ليعرف ما كان يجهله في غربته أو ما يدور خلف ظهره من احاديث او همسات او لمزات ومن هؤلاء استطاع انور ان يعرف الكثير نحو الرجل الخير صاحب الفضل وايضا صاحب اليد العليا الامين .. الحنين .. الطيب .. المتواضع .. صاحب ومدير شركة الشئون الاجتماعية الخاصة به . عرف الكثير عن العاملين معغه بالصدق كان او بالكذب وبدأ هو الاخر في ترتيب اوراقه واللعب مع القدام . وربنا يكفينا شر الانسان الودني فهو اجلا ً او عاجلا ً سيخسر الكثير ولم يأتي هذا النظام من فراغ فهو نظام قديم جدا ً في البيت الفني فمثلا ً حين يعين شخص ما في الامن بعقد يفهمونه ان الطريقه الوحيده لتعيينه هي التقارير التي يقدمها وان يكون الانتماء الأول والأخير لسيادة اللواء مدير امن البيت الفني . واي همسة او اي لمسه .. اي حوار .. اي كلمة تفيد او لا تفيد بالتليفون توصل للسيد مدير امن البيت الفني له الانتماء كله آميييييييييين..وليس هذا فقط علىمستوى افراد الامن بل على كافة المستويات في هذا البيت الفني البوليسي المخابراتي ويقولك البيت الفني !!!!!!بعد مرور حوالي خمس شهور بدأ الحديث عن التعيينات قالولي تتعين فرد امن قلت لا قالوا لي فرد امن كويس قلت لفاروق لا يا عم انا مش عايز القى نفسي في يوم من الايام بكتب تقرير عن انور ... انا راجل فني خشبة مسرح ( نظرية المؤامره ) بتطبق في كل مكتب من مكاتب البيت الفني . انور كان له الراجل بتاعه في القاهره بس في الصيف بيبقى اسكندراني عليم ببواطن الامور .. عم بروجيكتور.عم بروجيكتور يعرف الكثير وهو المواجه الاول لانور في كل الامور الخاصة بالعرف والاوراق والنماذج وكل ما يجهله انور يعرفه عم بروجيكتور وعم بروجيكتور عارف كل الموظفين الكبار والصغار . ولما يحبوا يصيفوا يومين في اسكندريه او ياكلوا اكلة سمك كويسه الوسيط بينهم وبين انور عم بروجيكتور . دول بيخلصوا الورق المركون . ده فلان اللي حيخلص لنا الموضوع الفلاني وده فلان اللي حيقول علينا في تقريره كلمتين حلوين .. وده علان العلاني اللي حيجيب الفلوس المتأخره وده بتاع النيون والبنر والدعايه اللي حيخلص .. وده يا اخونا الاستاذ انور الراجل الكريم اللي البيت الفني مجابش حد زيه وبكره يبقى عم بروجيكتور همزة الوصل بين انور وموظفين البيت الفني .وجاء عم بروجيكتور المستشار الخاص للاستاذ انور .. الرجل الثاني .. اللي عايز كل حاجه من انور يروح لعم بروجيكتور .. لكن في اسكندريه ظهر منافس لعم بروجيكتور .. منافس قوي .. عارفين مين ؟؟ صعلوك مدينة الملح !!!! لكن على مين على بروجيكتور
-------------------------------------------------------------------------

الورقة الثانية عشر البدلات والعروض في الاسكندرية

هل تتخيل ان يشتري الممثلين المشاركين في عرض من عروض البيت الفني عدة تذاكر حتى يستمر العرض اياما ً وايام من جيوبهم الخاصة ؟؟؟؟ايه الحكايه ؟ مفيش جمهور .. ولا حتى عشر تذاكر .. الحقنا يا استاذ انور يا منقذ .. البدلات مجاتش والناس معهاش فلوس ... حيناموا فين ؟؟ الصراف لسه مجاش .. ويأتي دور عم بروجيكتور .... ليتدخل ويحل الموضوع ويأخذ من انور الى ان يأتي الصراف .. لغاية كده كويس !! ولكن عرض ومسرح حوالي 50 ممثل وفني واعلانات واسكندرية وبدلات .. ومفيش جمهور ... ده حتى من المعروف ان عناصر العرض المسرحي : مسرح , نص ,مخرج , ممثلين , جمهور ... كده يبقى ناقص عنصر من عناصر العرض .. يبقى مفيش عرض .. لا ازاي امال الناس دي جايه من مصر علشان ترجع تاني يوم ؟؟ اتصرفوا لازم المسرح يتفتح 15 يوم سواء فيه جمهور او مفيش جمهور .. ان شاء الله ينقطع عشر تذاكر في اليوم .. مش مهم بقى جمهور ولا اي حد ان شاء الله يندفع الضرايب بس لعشر تذاكر الناس مستنيه الـ 15 يوم دول . ويتدخل اصحاب الخبرة في الموضوع . طب يا جماعه عايزين تعرضوا .. ياللا لموا من بعض حق عشر تذاكر واعرضوا .. ويتم بالفعل هذا ويعرض اللمثلين للمقاعد فقط مش اشكال المهم البدلات !! ويسألون عن سبب سوء العروض التابعة للبيت الفني !! صدق أو لا تصدق

-------------------------------
الورقة الثالثة عشر حكاية صور الرواد على سور الجداريه

لما تروح تتمشى لغاية مسرح الليسيه حتلاقي على شمالك دواير مضيئة صور للرواد , رواد اسكندريه . سيد درويش , بيرم التونسي , توفيق الحكيم , سيف ونلي , ادهم ونلي , يوسف عز الدين عيسى , يوسف وهبي !! صور الرواد السكندريين اللي بعد كده حتبقى صور نجوم اي عرض على مسرح الليسيه الصور دي بأه ليها حكايه طويله تبدأ من يوم ما ادارة مدرسة الليسيه وبحكم العشم طلبت من الاستاذ لنور تعلية سور الملاعب اللي عليه الجداريه وطبعا وافق انور على طلبات ادارة المدرسه ماهو كله على حساب الجداريه وربنا يخلي رجال الاعمال المحترمين امثال دكتور البهتيمي . ولكن هناك في البيت الفني اداره تتبع لها كل الاعلانات اللي بالنيون والبنر وما الى ذلك من دعايه للعروض وميزانيات و..و..و.. هذا قانون الاشياء (خلّي شويه عليّ وخلي شويه عليك) لما خلاص المسرح وجاهز لاستقبال العروسه اللي هي طبعا ً الافتتاح .. وخلاص بأه اي افتتاح مش مهم بأه اسكندراني او حتى اسكندراي يا أبو العباس وبعد الكثير من الوعود والمناقشات والمجادلات والصمت الرهيب من كل من كان مشارك . وعبد انقضاء ايام المهرجان القومي للمسرح بكل ما فيها ياللا بأه نبص بصه لهذا المسرح الجاهز على العرض والظاهر ان ما كنش فيه عروض كويسه تابعه للبيت الفني وبعد رفض محمد منير انه يفتح بعرض " الملك هو الملك " وايضا ً رفض عزت العلايلي أو انشغال حسين فهمي وعدم حضور عرض اهلا يا بكوات بعد الاعلان في الجرايد الرسمية عن الافتتاح وحضور الوزير ورئيس البيت والمحافظ وكل المسئولين في اسكندريه وطبعا ً كان اللواء المحجوب لسه موجود والشارع اتسفلت وانزرع والاعمده نورت ولالسوار ادهنت والشارع بأه في منتهى النظافه والملتقى أو الكافيتيريا (ده ليها ورقه خاصه ) ما انتهت والكل مستني والحي شايف شغله والؤصيف ادهن والعمال لبسوا الزي الرسمي بتاع البيت الفني والدنيا اخر حلاوه .. ايه بأه العرض بتاع الافتتاح ؟؟؟ حارة عم نجيب ؟؟ حارة مين يا ولاد ؟!! حارة عم نجيب ؟؟ ده عرض الافتتاح يا ولاد ... اه هو ده عرض الافتتاح .. ياااااه بعد كل ده يا عم ماشي يتفتح وخلاص بأه .. ووصلت الفرقه ووصل الديكور والمخرج وياللا بنوا الديكور والكل جاهز للعرض وابتدا الجماعه بتوع التقارير اياهم اللي اتكلمنا عنهم في الورقه 11 يشوفوا شغلهم ويتصلوا بالدكتور علشان يقدموا التقارير عن المسرح .. ألو .. ايوه يا دكتور الستاره بايظه !! ألو .. ايوه يا دكتور البروجكتورات مافيهاش لمض ألو .. ايوه يا دكتور السلك ناقص .. ألو .. ألو ... ألو ..رد الدكتور : خلاص يا جماعه مفيش افتتاح ....؟؟؟!!! حول العرض على مسرح السلام !!! يعني ايه ؟ ؟؟... طب والدعوات الخاصه .... والمحافظ ؟؟ والوزير ؟؟ ده خلاص الدعوات وصلتلهم على مكاتبهم .. هو ليه الدكتور بيعمل كده معانا أو مع انور ؟ ورد أهل العلم ببواطن الامور . اصل الوزير رايح يوصل الملك رمسيس !! لا ده حزن على ضحايا حادثة القطر !! لالا اصل الوزير ما بيحبش اسكندريه والموضوع اسود خالص ... عارفين الدنيا بقت بلاك اوت
------------------------------------------------------------------------------------------------

الورقه 14 : وزارة الثقافه والشئون الاجتماعيه

الذكي يحول الخسائر الى ارباح والجاهل يجعل مصيبته مصيبتان سُجن ابن حنبل وجُلد ... فصار إمام السـُنَّهحُبس ان تيميه فأخرج ... من حبسه علما ً جما ًوُضع السرخس في قعر بئر ... فأخرج عشرين مجلدا ً في الفقهوأقعد ابن الاثير ... فصنف جامع الأصول نُفي ابن الجوزي من بغداد ... فجود القراءات السبع اصابت حمى الموت مالك بن الريب ... فأخرج أروع قصائدهسُب صعلوك ؟؟؟!!! ولم يعرف كيف يرد الا ان يسرد ما حدث ايام الليسيه .. الفلوس والوظيفه والاولاد تجعلك تتخلى عن كل المبادئ التي تحبها وأيضا ً الفلوس تقتل الموهبة . نسمع الان الكثير .. يا عم فن ايه ؟ الفن اعفن .. يابا خلينا نعيش .. خلاص مفيش مقاييس تقدر تصنف بيها الفنان .. وحين يصبح الفنان في يد السلطه وعبدا ً لوظيفته فيصبح الامل كل الامل في نهضة اي فن هوة الهوايه و حتى الهواه علموهم نظام السبوبه . فيصبح الفنان الحقيقي اللي يجد قاعد في بيتهم .. او على القهوه .. او قدام التلفزيون يمصمص شفايفه اصبح المال لغة العصر . والعصر الذي يقيم فيه الرجل بالمال عصر مختل سافل جبان .. وفي اي مكان فيه مخالفات لازم يكون فيه كحوول علشان يتحمل تلك المخالفات ولو حد مش عارف يعني ايه كحوول حقول له . الكحول يا ساده هو اللي بيشيل المصيبه .. هو اللي بيتحمل المسئوليه .. هو اللي بيلبسوه التهمه .. او العمه ... الكحوول في لغة اهل البلد هو الانسان اللي عايز يعيش جنب الحيط .. ولما يكون فيه مصيبهمش لاقيين لها صاحب .. يستدعوا الكحوول ليتحملها.. الكحوول هو الشعب المصري اللي انا واحد منه .. اللي شايل على ظهره كل اخطاء الكبار .. وانا كحوول مسرح الليسيه .. المهم لما الانسان الواعي الفاهم يكون مالوش ظهر .. حاجه من الاتنين يا يموت يا يستخدم وعيه في الحصول على حقه ... ولما يكون فيه فساد في مكان صغير .. لازم تعرف انه موجود في كل الامكنه ولكن بصور مختلفه .. والخوف قواد ... هناك اهداف عامه واهداف خاصه الاهداف العامه بتبقى حاجه بيتمناها الجميع ويحاول يحققها ويدافع عنها ويقف جنبها ان شاء الله "280 يوم وليله" والاهداف الخاصه بتبقى خاصه بالأنا .. اللي جايه من أنا ثم أنا ثم أنا ثم أنا ثم أنا ثم الاخرين وفي سبيل تحقيق الأنا فيه ناس كتير بتروح في الرجلين . في يوم وانا في مسرح الليسيه مع انور قاللي تعرف انت بتفكرني بسعيد مهران وانا النهارده بقول له وانت فكرتني برؤوف علوان في 2006 افظع .. اشطر .. اجمل .. رؤوف قوي وعلوان اكتر واكتر .. معلش استحملوني .. موجوع .. ومصدوم .. مش من دلوقتي بس يوم ما بدأت اتعلم مسرح على ايد رؤوف علوان القديم .. ومن رؤوف القديم لرؤوف الجديد ياقلبي لا تحزن .. العيب في الالوان ياترى ام في صنف الورق .. ام العيب كل العيب في مقلتيمن مده وفي الصيف كان فيه عرض من اخراج واحد صحفي والعرض كان تبع البيت الفني .. الصحفي ده كان بيهاجم رئيس الادارة المركزيه في البيت الدكتور في جريدة الجمهوريه ..!! اعمل عرض سيء جدا ً كرنفال سيء وبطل يهاجم الدكتور ..بس خلاص وكله برزقه لجنه جايه من القاهره علشان مزاد البوفيهات بتاعة اسكندريه تيجي مره واتنين وتلاته واربعه ... ولا يحدث المزادعرض مسرحي بممثلينه .. وعماله وفنيينه ودعايته ... وبدلاته .. وخمستاشر يوم .. وايراده مايكملش 1000 جنيه اهم بيصيفوا
حجز اوتيل اكاسيا لحوالي 30 , 40 صحفي .. بخصوص الافتتاح وألغي الحجز وألغي الافتتاح ... الفلوس دي ملهاش صاحب ومستخسرين مهرجان للهواه .. مش حيكلفهم 1/1000 من اللي بيصرفوه عارفين ليه ؟؟ لان عروض الهواه والفرق الحره حتكشفهم وبس خلاص
------------------------------------------------------------------------------------------------

الورقه 15 بعنوان : إنهم يعلموننا الانحناء

في ناس مش عاجبها اللغه اللي بكتب بيها .. بيقولي عليها لغة شوارع .. معلش اصل انا بتاع فرجه شعبيه بدأ ظهور نشاط رجال الاعمال في اسكندريه مع بدايه مسئولية اللواء عبد السلام المحجوب .. ده بيجمل محطة ترام .. وده بيجمل ميدان .. وده بيرصف شارع .. وده بيعمل جداريه .. الله ينور .. طب يا اخوانا الناس دي بتحسبها ازاي ؟ بتوع البزنس دول مش حيرموا فلوسهم كده . لا ضروري فيه مقابل اي نعم حتتخصم من الضرايب .. لكن فيه استفاده بأي شكل لكن لما رجال الأعمال يفرشوا مسرح .. او اوض ممثلين .. او هول للأوبرا .. مقاعد .. وترابيزات .. وشزلونجاتيبقوا ناس ذواقه ناس همها شكل المسرح في اسكندريه زي ما همها شكل الكورنيش ناس اضافت على همومها في التنميه هم المسرحناس همها شباب البلدلما الاخت الفاضله سماء ابراهيم تحدثت مع الدكتور البهتيمي عن مسرح الغرفه في الليسيه لم يكن من فراغ .. لا ده قالولها ان في غرفه كبيره في المسرح حتتحول لمسرح غرفه لشباب المسرحيين يعملوا فيها تجاربهم ويمارسوا نشاطهم اللي مش عارفين يمارسوه فين .. ولكن ما حدث غير كده خالص .. تفضل الدكتور البهتيمي مشكورا ً لزيارة المسرح والجداريه وقالوا له ان الغرفه دي مش حتتعمل مسرح غرفه !! لا دي مخزن .. وللموظفين ؟؟ انما هناك موضوع اخر لو تساعدنا فيه .. الجداريه .. شكرا ً(الشارع لنا .. احنا لوحدنا .. والناس التنيين دول ناس انانيين دول مش مننا ) . عارفين يا ولاد لو كل رجل اعمال بص بطرف عينه على الفرق الحره في اسكندريه عارفين اي اللي حيحصل؟؟ شريحة نادي المسرح بقت 800 جنيه عايز أسمع رأيكوا في حكايه .. اهتمام رجال الاعمال بالفرق الحره !! يقدرونا محطة ترام بيرمموهااو يقدرونا شجره بيجملوا بيها الكورنيش او حتى رخامه من الرخام اللي بيتكتب اساميهم عليه اقول لكم .. يقدرونا مرشح في الانتخابات .. بيجملوه وللا هما يهمهم الشكل بس ؟؟ الشركات الاجنبيه بتعمل ده بس ليها ناسها العين ما تشوفش واحد جاي يسرق حلمنا
------------------------------------------------------------------------------------------------

الورقه 16 بعنوان : رجال الاعمال واللعبة الذكيه

يا ترى ياهل ترى مين فينا سليم ؟ مين فينا عرف اساليب اللعبه ؟ مين فينا يقدر يقول الحق ؟ مين اللي ممكن ما ينضربش على قفاه ؟ ومين اللي اخد انه ينضرب على قفاه ؟ ومين له ظهر ومين ملوش ومين لسه مصدق ؟؟ ومين كبر دماغه ؟ ومين فاهم ؟مين عايز يعيش كحوول ؟؟ مين نسي المسرح ؟؟ ومين نساه المسرح ؟ لسه في حد بجد ؟ فيه حوالينا كام انور ؟ وكام صعلوك ؟ وكام مدعي وكام قاضي وكام متهم وكام بريء ؟ نفسي اننا كلنا .. كلنا كبيرنا وصغيرنا كل اللي كان في يوم بيحلم بحاجه كويسه ... شباب عواجيز .. فنانين لسه لونهم اخضر فاقوا مره واحده بصوا حواليهم لقوها بقت كلها رعاع .. صعاليك .. نهابه .. حثاله ..قطاع طريق .. سراقه .. سفله .. اوباش .. اوغاد .. شطار .. عياق .. فتوات .. خلابيص .. اوغاش ..جعيديه .. براكمه .. نشالون .. فلاتيه كلابزيه .. نتاشين .. عواطليه غجر .. نور .. حلبجيه .. جياع .. اولاد قرافه .. بلطجيه حرافيش . مابقاش في حد محترم ؟ مفيش حد قدوه ... امال مستنيين مننا ايه بعد كل ده .. عمر الارض ما حتطرح ناس كويسه غير لما نشيل الجلخ اللي بقاله سنين على عقولنا .. لما نطرح جانبا ً كل الوصاه .. كل اللي لهم مصلحه .. كل اللي بيحولوا يلعبوا بالبيضه والحجر
سامحوني النهارده انا قرفان

-------------------------------------------------------------------------------------------------------------------------------------

الورقه 17 : رجال الأعمال كمان وكمان

حكي من وحي ما حدثصلوا على النبي ... أول كلامي كلام وكل كلام و له أول ... وكل شيء في الليسيه موجود من الأول .. مسرح وممثلين واداره .. لكين الفن في الأول .. ولو اضحك عليك .. تحكم عقلك الاول . كان وياما كان ولسه ياما حيكون في اسكندريه فرق كبيره وصغيره .. ولاد بتحب المسرح وفي الكواليس دايما مسرح مسرح كان فن اصيل مش اي كلام .. فن التمثيل زي الاحلام تشوف نفسك في غيرك .. يظهر قوام عيبك لحد ما في يوم بقى المسرح تجاره ضحك على الدقون والجمهور وشطاره .. ومبقاش من فن المسرح غير فتحه وقفلة ستاره قال اللي قال اسكندريه بقت قريه احنا لازم نسافر مصر هناك المجال واسع والاضواء والشهره واحنا ما نفرقش حاجه عن بتوع مصر .. القاهره .. الحلم .. لمَ الولد قام بنطلون على كام قميص وازازة برفان وشوية فلوس كان محوشهم وياللا بينا على القاهره . فيه هناك صحابنا بتوع زمان .. اصدقاء زملاء سابقونا .. نروح عليهم .. واهو الجمهور اللي حنقدم له هنا يبقى هناك .. نزل رمسيس وراح واخد بعضع على قهوة افتر إيت الل بيقعد عليها زميله واصدقاءه . راح .. قعد .. طلب شاي وشويه وجاع لقى واحد بتاع سندوتشات جنب القهوه اسمه سعد الحرامي .. اكل وحط الشنطه تحت الترابيزه في انتظار حد من صحابه ييجي . وصل واحد .. بالاحضان ايه عامل ايه .. تشرب ايه ؟... اخبار المسرح في اسكندريه ايه ؟ لسه زي ما هو انتوا عاملين ايه اهو بنحاول كويس انك جيت ده فيه انترفيو ومقابله من المخرج الفلاني نروح سوى .. .. وربنا يسهل نلاقي فرصه وللا حاجه .. ياللا بينا على الشقه .. وراحوا الشقه .. حوالي 7 افراد من اسكندريه في شقه وحاده بقوا تمانيه اهلا وسهلا .. طبعا فيه اللي زعل وفيه اللي فرح نص فرحه وفيه اللي سأل انت قاعد معانا على طول وللا ماشيوفيه اللي طلب فلوس سلف.. وفيه اللي عايز قميص .. المهم كل واحد اتوضب ولبس وإتهيأ وحطوا برفان من صاحبنا اللي لسه جاي وياللا بينا على المقابله .. راحوا المكتب .. ناس كتير أوي زي ما يكون كل مصرعايزه تشتغل في التمثيل .. جه الدور على صاحبنا ودخل للمخرج ..سأله .. مثل قدامه .. فرح بيه جدا ً .. خلاص انت معانا .. تليفونك وعنوانك .. ويوم والتاني راح مقابله تانيه والمخرج قال له نفس الكلام بتاع المخرج الاولاني خلاص انت معنا.. تليفونك وعنوانك .. وبقى كل يومين يروح مقابله ويتقال له نفس الكلام .. لغاية ما فلوسه قربت تخلص .. والشحن بتاع التليفون قرب ينتهي .. ايه الحكايه ؟.. مفيش حد عايز يتصل .. والقهوجي ابتدا يبص له بصه مش مظبوطه .. قاعد ساعتين على احد شاي ... حتى الاصدقاء ابتدوا كل واحد ياخد ركن .. صاحبنا افتكر حاله في اسكندريه لقاه ما يفرقش كتير عن حاله في القاهره ما عدا بس بيته والاسره .. وجاله تليفون .. - ألو .. استاذ فلان عايزينك النهارده الساعه 4 الفجر في الحته الفلانيه ببدله = يعني ايه ؟؟ ؟- تكون لابس بدله قفل التليفون وراح يدور على بدله مع اي حد من اصدقاءه .. المهم اتصرف بعد ما طلع عينه على بنطلون وجاكيت واتوضب وسهر لغاية الساعه 4 الفجر وراح المكان المتفق عليه .- أهلا وسهلا .. اتفضل هنا لغاية ما ننده لك .. جو جديد على صاحبنا .. نجوم حواليه .. ومصورين وفنيين وبتوع مكياج .. وهيصه .. راح لمساعد المخرج يسأله = طب حعمل ايه ؟؟ دوري ايه ؟ ..- اصبر شويه يا نجم .. كل حاجه في وقتها . خش اعمل مكياج دخل عمل مكياج .. نادوا على اسمه . قال واحد معاه شوية ورق = انت حتعمل دور الموظف .. خد الاسكربت علشان تحفظ وتخش تصور لازم تكون جاهز بعد عشر دقايق - طب الموظف ده ايه ابعاده ؟؟ يعني = بس انت احفظ بص في الورقه .. فين بقى الكلام ؟ فين الموظف لقى جملتين - هما دول ؟ حقول الكلمتين دول ؟ راح عامل للخلف در وراح الشقه لملم هدومه وعلى باب الحديد . واحد اسكندريه .. اسكندريه واحد إليكم بعض اوراق منسيه

------------------------------------------------------------------------------------------------------------------------------------

-الورقة 18 : هو في حاجه بجد

فجأه تكتشف ان كل اللي حواليك هزار . الناس هزار .. المسرح هزار . المهرجان هزار . الشرايح هزار .. مسرح الجامعه هزار . قسم المسرح هزار ... المسرحيين القدام والجداد هزار .. فأي حد يحب اللعبه بجد حيلاقي كل اللي حواليه بيهزروا حتى لما يلاقوا حد واخد الموضوع بجد يستغربوا .. ده واخد الموضوع على صدره .. ده واخد الموضوع بجد . اصبحت اللا مبالاه مبدأ .. ياباكبر دماغك .. في بداية مشروع مسرح الليسيه تحس ان الموضوع بجد وتكتشف واحده واحده ان الكل كان بيهزر .. هزار تقيل أوي .. هزار مركب .. هزار اللي ممكن تتورط فيه فيبقى بجد فتخسر حاجات كتير أوي في اللعبه دي .. يعني تتورط .. فواحده واحده تبتدي مصداقيته قدام الناس تختفي وتموت فيحاول انقاذ ما يمكن انقاذه من ماء الوجه فلازم يبقى فيه ضحايا . او خساير . السيد الفاضل عم بروجيكتور علشان يحافظ على مصداقيته قدام انور وقدام اعمامه بتوع القاهره كان لازم يضحي بخروف لازم يدبح حد فا ملقاش حد رقبته سهله غير صعلوك مدينة الملح . عم بيجو -وده اسم على مسمى- لما لقى انور بيسمع نصايحه وتعليماته واخباره اللي بيجيبها من كنترول البيت الفني ومن علاقته بالدكتور و كبار موظفين البيت الفني بحكم ان بقاله زمان في الدهاليز ويعرف من ايه تأكل الكتف والصدر والورك .. ادخل عم بيجو في كل كبيره وصغيره تخص البيت الفني في اسكندريه حتى (الملتقى ) والكافيتيريا وحل كل المشاكل المتعلقه باليجار والمزاد بتاع مسرح كوته ومسرح الليسيه .. وخلى بتاع الستاير يبقى صاحب كافيتريات وادارة بوفيهات وشركة خدمات وعرفه ازاي يبقى عنده سبقة اعمال ... وبطاقه ضريبيه وازاي يأجر من الباطن ولو ما رساش المزاد عليه ازاي ياخد امر مباشر من المسئولين بإدارة المسرح شهر ورا شهر ورا شهر ومايبقاش فيه على الحجر غيره وازاي يستقبل لجنة المزاد ويفطر لجنة المزاد ويغدي لجنة المزاد . ويروق قعده على البحر للجنة المزاد ولما يروح الاداره في القاهره يتعامل مع مين ومين اللي حيخلص له الاوراق . ده عم بيجو له تأثير السحر على الموظفين في القاهره لدرجة انه بيعزمهم هما واسرهم يصيفوا ويسكنوا ويتغدوا سمك وجمبري وبقى الموظفين يحاولوا ارضاء عم بيجو علشان يعمل معاهم واجب في اسكندريه ! وطبعا ً انور مبسوط باللي بيحصل دول حيخلصوا الورق .. ويجيبولوا الفلوس اللي على الورق من زمااااااااان .فيه فرق بين الانسان المتحضر والانسان الخبيث ؟؟ فيه فرق بين التقدم واللؤم ؟ فيه فرق بين المثقف واللي بيحاول يكسب الناس ولو بالمجامله ؟ وهذه الاغنيه اهداء من عم بيجو لكل المسئولين في البيت الفني شيلني واشيلك ... ما انا برضه فرحتلكانا بتاعك يا بيه ... واعرف ما اعرفش ايهوانا بتاع كل حاجه ... ودراعك اليمينوفارش العياده ... وخدام السيادهواللي مش غير سناده ... يتعكز على السريروبواب العماره ... وسواق الادارهومهموز المدام ... ونبوت الغفيروناس بدم ساقع ... واقفين ورا البراقعيميعوا المسائل ... يضيعوا المباديءوناس من خلف شيش ... خايفين من الشاويش سلبيه 100/100 ... تعالى لا ماجيش انا فنان لكني فقير ... بإيد خشنه وقلب كبير ابويا شغلته بواب ... وعمي في الحقيقه غفيرلا عمي ممثل ... ولا جوز خالتي وزير

--------------------------------------------------------------------------------------------------------------------------------

الورقة 19 : الملتقى أو الكافيتيريا

حدوتة الملتقى دي بأه من الحواديت اللي ليها العجب . انا اول ما رحت مسرح الليسيه وابتديت اعمل شاي للموظفين ولرواد المكان ناس كتير افتكرت اني حاخد البوفيه .. ده حتى ناس كتير كلمت انور على اني اخد البوفيه واشغله ناس صحابنا وناس موظفين من القاهره و اسكندريه ولكن انور قال لأ الصعلوك ما يقدرش على البوفيه ده لازم شركة خدمات وبعدين البوفيهات دي دايما ً تعمل مشكله ده حتى كان فيه مشكلة السنه اللي فاتت علشان جهاز المشروعات بالقوات المسلحه كان اخد كل الكافيتيريات التابعه للبيت الفني فلازم شركة كبيره لها سابقة اعمال هي اللي تتقدم للمزاد وبطاقه ضريبيه وسابقة اعمال وسجل تجاري وتأمين دخول مزاد والصعلوك حيجيب كل ده منين ؟؟ انا حشوف حد يقدر يقوم بالمهمه دي ورشح الاستاذ صلاح فؤاد صاحب شركة الفؤاد للمقاولات القائمه بالاعمال في المسرح والراجل وافق وبعدين رجع في كلامه تاني وكان فيه في مدخل المدرسه مساحه من الارض بره المسرح خالص قدر انور باتصالاته مع ادارة المدرسه انه يضمها للمسرح علشان تبقى كافيتيريا .. او ملتقى .. ملتقى للفنانين من مصر واسكندريه بيتهم في اسكندريه لما يحبوا يتقابلوا او يعملوا عروض صغيره بدل قعادهم على القهاوي .. ( ده طبعا ً قبل ما شركة طيبه تدور على مكان علشان تحط خزانات المياه الخاصه بالاطفاء ) كان فيه واحد صاحب انور من زمان بيشتغل في الستاير عرف بموضوع الكافيتيريا فكلم الصعلوك على انه يأجرها ويديرها واهو احسن من الغريب وراح الصعلوك مكلم انور وانور راح موافق وجه بتاع الستاير وقعد مع انور واتفق على انه يأجر البوفيه اللي هوه الكافيتيريا اللي هو الملتقى .. ملتقى الفنانينصاحبنا بتاع الستاير كان ابيض يا ورد .. ماعهوش حاجه زي الصعلوك كده .. لا فلوس ولا اوراق ولا اي حاجه . انور قال له خلاص اطمن ملكش دعوه بحاجه اي ورق حتعوزه .. في واحد يخلصهولك .. نور .. صاحبنا .. راح صاحبنا بتاع الستاير مدور على حد معاه فلوس يشاركه في الليله ولقى واحد يشاركه وأخد فيه 9000 جنيه مقدم على اساس انه حيوضب الكافيتيريا وقسموها كالتالي التلت لبتاع الستاير والتلت للممول وتلت للصعلوك نظير مجهوداته اللي عملها ونظير تعويضه عن شغله في البوفيه اللي حياخدوا منه وابتدا بتاع الستاير في توضيب الكافيتيريا ورصفها وتبليطها ... وابتدا في اجراءات المزاد والاوراق اللي مش موجوده بتاعة شركة الخدمات لغاية ما ظهر على الساحه عم بروجيكتور اللي بيخلص كل الامور في البيت الفني وقعد عم بروجيكتور مع بتاع الستاير وقال له على اللي حيعمله خطوه خطوه من ساعة ما ينزل القاهره لغاية ما يرجع وراح صاحبنا وسحب كراسة الشروط وحضر كل الاوراق المضروبه علشان المزاد .. بس كان فيه وحوش دي شغلتها المزادات كانوا يروحوا المسرح علشان يتفرجوا على الكافيتيريا . مكانش الصعلوك يوريهم المدخل الكبير الكافيتيريا الخارجيه .. الملتقى .. كان يوريهم البوفيه الداخلي فقط .. ودخل في الموضوع مسرح كوته .. بوفيه مسرح كوته اللي يشيل .. يشيل الاتنين مع بعض .. وبعد التأجيلات الكتيره بتاعة الافتتاح ابتدء الممول .. الشريك اللي دافع فلوس يقلق على فلوسه .. وابتدء بتاع الستاير يدور على شريك اخر .عمل ايه بأه بتاع الستايربعد ما ضيع فلوس الممول في بوفيه ورصيف وخلافه وكل مره المزاد يتأجل .. يتأجل مع الافتتاح المزاد يتأجل لغاية ما بدأ السيزون الصيفي وفتح مسرح كوته اتفق بتاع الستاير مع ناس تانيه كانت داخله المزاد انهم ياخدوا مسرح كوته وهو ياخد مسرح الليسيه وقدر عم بروجيكتور انه يجيب لبتاع الستاير مسرح الليسيه ومسرح كوته بالامر المباشر بدون مزاد ولا غيره بايجار شهري للمسرحين 2500 جنيه شهريا + 5000 جنيه تأمين .. وفضل بالامر المباشر طول الصيف ولغاية دلوقتي ما فتحش مسرح الليسيه واهو ما بيدفعش حاجه لغاية ما شركة طيبه جت تحط خزانات المياه العملاقة بتاعة الحريق فاملقتش مكان غير نص الملتقى او نص الكافيتيريا بعد ما اترصفت واتصرف عليها حوالي 3000 جنيه وبعد جدال ونقاش وخلاف وعراك اتحطت الخزانات على امل ان الشركه تعوض بتاع الستاير عن التوضيب اللي عمله وده كان بسبب زعل انور من المهندس حسن بتاع الشركه وبناء على المقوله اللي بتقول من افسد شيء عليه اصلاحه . شركة طيبه مشكوره قالت احنا حنعمل حوالين الخزانات وهنا تدخل مهندس اليله الوليد ابن جابر وراح داخل على الكمبيوتر وعامل تصميم اصور الفنانين العملاقه والحجر الهاشمي وكبرها .. ماهي بأه الشركه اللي حتدفع ولما عرف انور ان الشركه اللي حتدفع ابتدا يصلح اموره مع المهندس حسن بتاع الشركه ماهو المهندس حسن هو اللي حيدفع واتفتحت صفحه جديده بين انور وحسن لكن على حساب مين ؟؟ على حساب الصعلوك اتفق الجميع ولكن كان لازم يبقى في حد وحش حد سبب الخلافات اللي كانت بينهم .. حد مش كويس .. حد عايز ياخد عموله من بتاع الستاير او فِرده وياخد فلوس من المهندس حسن نظير حاجات كتير فكان الحد ده الصعلوك ناس تحب ريما ... وناس تشيل الجريمه

---------------------------------------------------------------------------------

الورقة 20 : .............

في احدى الايام كان يزور المسرح الاستاذ الدكتور البهتمي وكان بينه وبين الصعلوك حوار ودي فسأل الدكتور الصعلوك : انت ما طلبتش مني حاجه شوف انت عايز ايه فرد الصعلوك وقال للدكتور البهتمي اتمنى من سيادتك زيارة الملتقى ( الكافيتيريا ) فما كان من الدكتور البهتمي الا انه قرر ان يهدي الملتقى او الكافيتيريا الكراسي والترابيزات وبهذه الهديه اصبح بتاع الستاير مش محتاج غير شوية الكوبايات والشاي وخلافه وبجواب من انور لشركة البيبسي راحت الشركه عامله التند وجايبه التلاجات والكانزات والدنيا بقت زي الفل وكمان جه المقاول وراح مكمل دهانات وترميمات الكافيتيريا وبتاع الستاير كان متفق مع الصعلوك على انه حياخد الحجره اللي بينام فيها الصعلوك ويعملها مخزن نظير مبلغ اللي اعتبره فرده او اتاوه الصعلوك يفرضها عليه .فكان اول المؤيدين في المؤامره اللي ضد الصعلوك ماهو حيستفيد وياخد الاوضه وحياخد الكافيتيريا وحاجات اخرى والصعلوك اهو رايح في ستين داهيه ومش حيبص له في شغل الستاير اللي اخده من المقاول في المسرح اصل الصعلوك عينه وحشه بيبص في كل حاجه او بمعنى اصح الصعلوك فاهم كل حاجه ماشيه ازاي ورايحه فين ويقدر يتنبأ بالاحداث من ايام مطعم شمندوره وهو البيت الفني بيحاسبه على يوم العرض فقط يعني الشهر اللي بيدفعه بتاع الستايرلازم يبقى 30 يوم عرض وممكن انور يحسب له اليوم نص يوم يعني هو مش خسران حاجه . كافيتيريا من غير ايجار ومن غير ما يدفع توضيب ومن غير مايجيب كراسي ولا ترابيزات .. ارزاق فلازم بتاع الستاير يشارك في مؤامرة ابعاد الصعلوك عن الليله اصل الصعلوك اراجوز يرى ما لايراه الاخرون .. العين السوداء ( والدنيا لما تمطر الكل حيرتوي ) على رأي الاستاذ احمد شاكر او الخير حيعم على رأي انور .. او كله حيرزق على رأي الصعلوك وعلى رأي العائدين من هناك ( اليد العليا خير من اليد الوسخه ) او السفلىبتاع الستاير لما الممول خلع منه .. فكر تفكير مش ولا بد .. تفكير ممكن يبوظ الدنيا .. تفكير يخلي الكافيتيريا تلهيك واللي فيها تجيبه فيك .. لكن عم بروجيكتور واعي وفاهم جابها من سكه تانيه .. ماهي سكة ابو زيد كلها مسالك وعمر اللي بيلعب بالدح صح مايقول أح وإلى الورقه القادمة بعنوان : الصعلوك خرج عن النص(( زووم حمامتي ))مسرحية في صفحة الشخصيات

1- هو .. 45 سنه على قدر من الثقافة مطلق منذ سبع سنوات

2- هي .. 35 سنه عانس .. مش حلوه .. اميه

المكان ... صحراء

الزمان ... عز الظهر

هي : ( وهي حالمه ) تتجوزني ؟

؟هو : (وهو يخرج جيوبه ) منين ؟؟

هي : ( وهي تضع يدها داخل صدرها ) هاسعدك

هو : ( وهو يدير ظهره ) مش عايز

هي : غسلت لك هدومك .. ونظفت لك اوضتك .. تعالى ( وهي تجذبه نحوها )

هو : هاتي بوسه ( وهو مقتضب )

هي : مش كده ( وهي تعضه )

هو : امال كده ( وهو يبتعد عنها )

هي : تضحك وهي تطعنه من الخلف

..................-= بلاك اوت=-....................

الورقة 21الصعلوك خرج عن النص

يوم ما عرف أنور ان شركة طيبه حترمم الكافيتيريا وتجمل حوالين الخزانات وحتبني حواليها بالطوب الهاشمي وحتكلف البنرات اللي حتزين الكافيتيريا بجوار الفنانين وطلع من جيبه مبلغ لحين المهندس حسن ما يوصل لغاية الشركة ويفهمهم تكاليف تجميل حوالين الخزانات وحصل فعلا وابتدأ الشغل مع بداية اعادة ترميم المقاول لباقي الشغل في المسرح من سقف مغلق لدهانات خارجيه وباقي سور المدرسه ومدخل الكافيتيريا واعادة دهانات بوابة المسرح وستاير لفصل الصاله والبلكون وبعد مكالمة اللواء اللي ماسك الشغل كله بتاع جهاز الخدمات وهديته للمسرح اللي عباره عن جهاز كمبيوتر .. كل ده طبعا ً في انتظار لحظة المواجهه بين مهندس الشركه وسيادة اللواء... ماهو مهندس الشركه دفع للصعلوك جزء من فلوس الترميم لبعض الإتلافات اللي عملتها الشركه وبالضبط 1400 جنيه لغاية ما تحضر الاتلافات .. ده كان كلام المهندس وطبعا ً انور كان عارف بالكلام ده وعارف الفلوس دي اتصرفت ازاي وللتذكره وبامر انور اتوزع مبلغ 360 على كل العاملين بالمسرح 6 امن و 4 نظافه وعامل البوفيه كل واحد فيهم 30 جنيه دول من الاستاذ انور يا جماعه كل سنه وانتم طيبين باقي الفلوس 1000 جنيه ايه اللي حصل فيهم ؟؟ تم شراء 2 جالون بلاستيك + شوية اسمنت على جبس + 2 عدسه بروجيكتور +شوية ادوات نظافه + 350 للصعلوك وفيه 1000 جنيه باعتهم الباشمهندس حسن للصعلوك نظير توفيره مكان لاقامة العمال بتوع الاطفاء والمبلغ ده كان مخصص لشقه ولكن العمال بعد ما دوروا في المنطقه ولفوا ما قلوش شقه بالسعر ده فباتوا اول يوم في حوش المسرح وتاني يوم الصعلوك فتح لهم اوضه ناموا فيها وقالوا له ان المهندس كان محصل مبلغ لشقه لما ييجي اخر الشهر تاخد المبلغ ده وطبعا كل ده كان بعلم انور .. وانور قال للصعلوك اوعى تسلبهم حق نومتهم ودول لما قلنا لهم عايزين نلحم شوية حديد علشان البنر طلبوا مننا مبلغ وقدره ..... وفعلا ً صدق الاستاذ حسن وبعت الألف جنيه .. الصعلوك خدهم لأن دول اكراميه حسن له وهو كمان عارف ان انور قايل له دول حلال عليك نظير تعبك معاهم فالصعلوك لما اخد الالف جنيه ما قالش لأنور فاللي حصل لما تم الصلح بين مهندس حسن وانور قال له على المبلغ فطبعا ً زعل انور من الصعلوك وقال له اي نعم انا قلت لك بس كان لازم لما تاخد الفلوس تقول لي علشان ابقى عارف ودلوقتي طلع من الفلوس دي 330 جنيه تانيين للعمال وخد الباقي وده اللي حصل وطلع الصعلوك 330 جنيه للعمال وخد مكافأة نهاية الخدمه اللي هما 770 جنيه مع انه ماضي على ايصال للمهندس حسن بـ 2000 جنيه وهنا بأه حصلت المشكله اللي محدش يعرفها شركة الفؤاد رممت المسرح وجهاز المشروعات في البيت الفني اعاد بعض الدهانات وسيادة اللواء حيخصم من شركة الإطفاء مبلغ من المقاوله نظير التصليحات والترميمات والمهندس حسن دفع للصعلوك جزء من ثمن الترميمات .. يعني ايه بأه ؟؟؟ الصعلوك يا خد فلوس ... واللواء يخصم من مستحقات الشركه ومين الصعلوك ده علشان ياخد فلوس ترميم مكان لازم حد يروح في الرجلين.. حد يكون بياخد اتاوه من العمال حد معاه مفاتيح المسرح يعني ممكن يفتح اي اوضه وياخد لمبتين بروجيكتور ولفتين سلك ماهو معاه المفاتيح بتاعة الأوض كلها ده حتى ممكن ياخد البنرات القديمه ومش كده وبس ممكن يحول المسرح لكباريه ويسكر فيه كل يوم وكمان يقضي ليالي حمره جوه المسرح .. لا وكمان على رأي عم بيجو ماهو الصعلوك بأه مركز قوه ممكن يهتك الأعراض .. صعلوك عياره فالت

---------------------------------------------------------------------------------------------------------------------------------

الورقه 22 الصعلوك يطالب بالمحاكمه

الصعلوك يقدم شكوى .. تم تسليم هذه الشكوى للأستاذ فاروق يوم 4/9/2006بسم الله الرحمن الرحيم وبه نستعين اسكندريه في يوم 4/9/2006السيدة الفاضلة / مديرة الشئون المالية والقانونية بالبيت الفني للمسرح فرع اسكندريه .. تحية طيبة وبعد مقدمه لسيادتكم صلاح محمد محمد السايح محمد موظف بالبيت الفني مقابل اجر يومي بوظيفة فني خشبة مسرح بمسرح الليسيه اتوجه لسيادتكم بالشكوى التاليه حيث انني فوجئت بوقفي عن العمل من قبل البيت الفني للمسرح ولما حاولت الاستفسار عن السبب وجهت إلي عدة تهم شفاهية مما أثار اقاويل كثيرة في حقي ومن هذه التهم 1 سرقة عدد 2 لفة سلك2 فرض اتاوه على احد العاملين بالمسرح 3 التحرش الجنسي بعاملة نظافة بالمسرح 4 فقدان عدد 2 لمبة خاصه بالبروجيكتورات 5 ضياع بنر قديم 6 مصاحبة بعض النساء داخل المسرح 7 احتساء الخمر داخل المسرح وبما أنني برئ من هذه التهم اود من سيادتكم فتح تحقيق رسمي من قابلكم لتحديد المسئولية وفضح المتسبب وذلك لحفظ حقي الأدبي والمعنوي .. وفي حالة براءتي من تلك التهم وانا على اتم الاستعداد للمسائلة أمام اي جهة تحددونها سيادتكم ولكم جزيل الشكرمقدمه لسيادتكم صلاح محمد محمد السايح فني خشبة مسرح بمسرح ليسيه الحريه
لما قدم الصعلوك الشكوى دي قالوا انت عامل باليوميه مش من حقك تقدم اي شكوى

9.30.2006

صلاح السايح

Alboom-L22L ãÑßÒ ÃáÈæã áÊÍãíá ÇáãáÝÇÊ ãÌÇäÇð : ÊÍãíá ÇáÕæÑ ¡ ÊÍãíá ÇáÝáÇÔ ¡ ÊÍãíá ãÞÇØÚ ÕæÊíå æãÞÇØÚ ÇáÌæÇá .
...
... فنان تلقائي
... ابن سنيني وبيئتي وعيلتي
... على قد الحال
... لا معاهد ولا واسطه
... ولا كتله ولا اشكال
... الناس اتلموا عليَّ قالوا فنان
... صدقت اللعبة ورحت شغال
... الطفل النايم جوايا قام
شخبط ... نعبش
عافر في ذاته التايه
وسط الناس
--------